Fræðsludeild hefur verið starfandi innan garðsins frá upphafi. Í boði eru námskeið fyrir leik- og grunnskóla sem ýmist fara fram í leiðsagnarformi eða nemendur fá að upplifa á eigin skinni (hands on). Við viljum gjarnan að kennarar taki þátt í heimsókninni og séu starfsmönnum garðsins innan handar. Þá hvetjum við kennara til að undirbúa heimsóknina vel þannig að upplifunin af vettvangsferðinni nýtist þeim sem best í skólastarfinu.
Starfsmenn í fræðsludeild sjá alfarið um að bóka heimsóknir. Það er gott að bóka vel fram í tímann. Vinsamlega hafið samband vegna upplýsinga um fjöldatakmarkanir eða aðgengi í garðinn.
Hægt er að hringja í síma 411-5900 eða senda tölvupóst á namskeid@husdyragardur.is
Núgildandi samningur á milli Skóla- og frístundasviðs (SFS) Reykjavíkurborgar og Fjölskyldu – og húsdýragarðs veitir nemendum í leik- og grunnskólum borgarinnar ókeypis aðgang að garðinum á skólatíma. Frístundaheimili fá ókeypis aðgang að garðinum meðan á frístundastarfi stendur á opnunartíma. Nemendur í skólum utan Reykjavíkurborgar greiða samkvæmt gjaldskrá sem finna má á næstu síðu.
Kynntu þér námskeiðin okkar
Almennt fer kennsla um húsdýr fram í þriðja bekk grunnskóla. Því bjóðum við upp á námskeið um húsdýrin fyrir þann aldurshóp þar sem áhersla er lögð á lifnaðarhætti þeirra og nytjar. Námskeiðið er í formi leiðsagnar sem tekur um klukkustund. Hámarksfjöldi nemenda í hópi eru um 26 og hægt er að bóka um 2-3 hópa í senn.
Boðið er upp á almenna leiðsögn fyrir alla aldurshópa sem tekur um klukkustund. Ef verið er að fjalla um ákveðið viðfangsefni í skólanum, er hægt að hafa samband við fræðsludeildina og óska eftir sérhæfðri leiðsögn. Hámarksfjöldi nemenda í hópi eru um 26 og hægt er að bóka um 2-3 hópa í senn.
Ýmis framandi dýr sem ekki finnast í íslenskri náttúru eiga heima í garðinum. Á þessu námskeiði eru skordýr, skriðdýr og froskdýr skoðuð nánar. Auk þess sem aðlögunarhæfni dýranna eftir mismunandi búsvæðum er kynnt. Þetta námskeið tekur 40 mínútur og hámarksfjöldi í hópi er 20. Aðeins er hægt að taka á móti einum hópi í einu.
Spennandi námskeið fyrir nemendur á efsta stigi í grunnskóla. Á þessu námskeiði eru lifnaðarhættir og hegðun villtra íslenskra spendýra skoðuð nánar. Námskeiðið tekur um klukkustund og hámarksfjöldi nemenda er 26. Hægt er að bóka í tvo hópa í senn.
Grunnskólar utan Reykjavíkurborgar greiða fyrir leiðsögnina og aðgangseyri samkvæmt gjaldskrá.
AÐGANGSEYRIR OG SKEMMTIMIÐAR
DAGSETNING
